ചിത്രവിശേഷം പോള്‍ 2009 - നാമനിര്‍ദ്ദേശങ്ങള്‍

രണ്ടായിരത്തിയേഴിലും രണ്ടായിരത്തിയെട്ടിലും യഥാക്രമം ‘ഒരേ കടല്‍’, ‘വെറുതേ ഒരു ഭാര്യ’ എന്നീ ചിത്രങ്ങളെ മികച്ച ചിത്രങ്ങളായി ചിത്രവിശേഷം പ്രേക്ഷകര്‍ തിരഞ്ഞെടുക്കുകയുണ്ടായി. രണ്ടായിരത്തിയൊന്‍‌പതിലെ മികച്ച ചിത്രം തിരഞ്ഞെടുക്കുവാനായി കുറച്ചു കൂടി വിശ്വസിനീയമായ രീതിയില്‍ അഭിപ്രായവോട്ടെടുപ്പ് നടത്തണമെന്നാണ് ആഗ്രഹിക്കുന്നത്. ഈ വര്‍ഷം മുതല്‍, മികച്ച ചിത്രത്തിനു പുറമെ ഇതര വിഭാഗങ്ങളേയും അഭിപ്രായവോട്ടെടുപ്പില്‍ ഉള്‍പ്പെടുത്തുന്നുണ്ട്. വോട്ടെടുപ്പിന് മുന്നോടിയായി ഏവര്‍ക്കും അവരുടെ പ്രിയപ്പെട്ട ചിത്രങ്ങളെ / വ്യക്തികളെ നാമനിര്‍ദ്ദേശം ചെയ്യുവാനുള്ള അവസരമാണിവിടെ. രണ്ടായിരത്തിയൊന്‍‌പതില്‍ ഇറങ്ങിയ എല്ലാ ചിത്രങ്ങളും ചിത്രവിശേഷത്തില്‍ ഉള്‍പ്പെടുത്തുവാന്‍ സാധിക്കാത്തതും പല ചിത്രങ്ങളുടേയും റേറ്റിംഗില്‍ പലരും അതൃപ്തി രേഖപ്പെടുത്തിയിട്ടുള്ളതും നാമനിര്‍ദ്ദേശം ഏര്‍പ്പെടുത്തുവാന്‍ കാരണങ്ങളാണ്. ഏവരുടേയും സഹകരണം ഈ അഭിപ്രായവോട്ടെടുപ്പിന് അഭ്യര്‍ത്ഥിക്കുന്നു.

ചിത്രവിശേഷം പോള്‍ 2009 - ഫലങ്ങള്‍ ഇവിടെ.

വിഭാഗങ്ങള്‍

രണ്ടായിരത്തിയൊന്‍‌പതിലെ മികച്ച ചിത്രം കൂടാതെ മറ്റു വിഭാഗങ്ങളിലും അഭിപ്രായവോട്ടെടുപ്പ് നടത്തുന്നു. താഴെപ്പറയുന്ന വിഭാഗങ്ങളില്‍ നാമനിര്‍ദ്ദേശങ്ങള്‍ നല്‍കാവുന്നതാണ്.
മികച്ച ചിത്രം :
മികച്ച സംവിധായകന്‍ (ചിത്രം/ചിത്രങ്ങള്‍):
മികച്ച തിരക്കഥാകൃത്ത് (ചിത്രം/ചിത്രങ്ങള്‍):
മികച്ച നായകനടന്‍ (ചിത്രം/ചിത്രങ്ങള്‍):
മികച്ച നായികനടി (ചിത്രം/ചിത്രങ്ങള്‍):
മികച്ച സഹനടന്‍ (ചിത്രം/ചിത്രങ്ങള്‍):
മികച്ച സഹനടി (ചിത്രം/ചിത്രങ്ങള്‍):
മികച്ച ബാലതാരം (ചിത്രം/ചിത്രങ്ങള്‍):
മികച്ച ഛായാഗ്രാഹകന്‍ (ചിത്രം/ചിത്രങ്ങള്‍):
മികച്ച കലാസംവിധായകന്‍ (ചിത്രം/ചിത്രങ്ങള്‍):
മികച്ച ചിത്രസംയോജകന്‍ (ചിത്രം/ചിത്രങ്ങള്‍):
മികച്ച സിനിമാഗാനം (ചിത്രം):
മികച്ച ഗാനരചയിതാവ് (ഗാനം/ഗാനങ്ങള്‍, ചിത്രം/ചിത്രങ്ങള്‍):
മികച്ച സംഗീതസംവിധായകന്‍* (ചിത്രം/ചിത്രങ്ങള്‍):
മികച്ച ഗായകന്‍ / ഗായിക (ഗാനം/ഗാനങ്ങള്‍, ചിത്രം/ചിത്രങ്ങള്‍):

* ഗാനങ്ങള്‍ / പശ്ചാത്തലം ഇവ രണ്ടും ഇവിടെ പരിഗണിക്കാവുന്നതാണ്.

നാമനിര്‍ദ്ദേശങ്ങള്‍ നല്‍കേണ്ട വിധം

• ഓരോ വിഭാഗത്തിനും നേരേ താത്പര്യമുള്ള പേരുകള്‍ ചേര്‍ത്ത് കമന്റായി രേഖപ്പെടുത്തുക.
• നാമനിര്‍ദ്ദേശങ്ങള്‍ നല്‍കുന്നതില്‍ / പോളില്‍ പങ്കെടുക്കുന്നതില്‍ മുന്‍‌കമന്റുകളുടെ നാമനിര്‍ദ്ദേശങ്ങളുടെ സ്വാധീനം ഉണ്ടാവാതിരിക്കുവാന്‍ ജനുവരി 10-ന് ശേഷം പോള്‍ ഫലം പ്രസിദ്ധപ്പെടുത്തിയതിനു ശേഷം മാത്രമേ കമന്റുകള്‍ പ്രസിദ്ധീകരിക്കുകയുള്ളൂ. അതിനാല്‍ താത്കാലികമായി കമന്റ് മോഡറേഷന്‍ ഏര്‍പ്പെടുത്തിയിരിക്കുന്നു.
• അഭിപ്രായങ്ങള്‍ / നിര്‍ദ്ദേശങ്ങള്‍ എന്നിവ പ്രത്യേകം കമന്റായി ചേര്‍ക്കുക. ഇങ്ങിനെയുള്ള കമന്റുകള്‍ ഉടന്‍ തന്നെ പ്രസിദ്ധീകരിക്കുന്നതാണ്.

ശ്രദ്ധിക്കുക

1. 01-01-2009 മുതല്‍ 31-12-2009 വരെ കേരളത്തില്‍ ഒരു തിയേറ്ററിലെങ്കിലും റിലീസ് ചെയ്ത ചിത്രങ്ങളെ മാത്രമേ അഭിപ്രായവോട്ടെടുപ്പില്‍ പരിഗണിക്കുകയുള്ളൂ.
2. ഒരാള്‍ക്ക് പരമാവധി മൂന്ന് നാമനിര്‍ദ്ദേശങ്ങള്‍ വരെ ഓരോ വിഭാഗത്തിലും നല്‍കാവുന്നതാണ്.
3. ഏറ്റവും കൂടുതല്‍ പേര്‍ നിര്‍ദ്ദേശിച്ച ആറ് പേരുകളാവും വോട്ടെടുപ്പില്‍ ഉള്‍ക്കൊള്ളിക്കുക.
4. നാമനിര്‍ദ്ദേശത്തിലൂടെ വരുന്നവ കൂടാതെ ചിത്രവിശേഷം റേറ്റിംഗില്‍ അഞ്ചില്‍ കൂടുതല്‍ പോയിന്റുകള്‍ നേടിയ ചിത്രങ്ങളും ‘മികച്ച ചിത്രം’ എന്ന വിഭാഗത്തില്‍ ഉള്‍പ്പെട്ടിരിക്കും.
5. മറ്റു വിഭാഗങ്ങളിലേക്ക് നാമനിര്‍ദ്ദേശത്തിലൂടെ വരുന്ന പേരുകള്‍ മാത്രമേ പരിഗണിക്കുകയുള്ളൂ.
6. 2010 ജനുവരി 10 14 വരെ നാമനിര്‍ദ്ദേശങ്ങള്‍ നല്‍കുവാനുള്ള അവസരമുണ്ടായിരിക്കും.

റേറ്റിംഗ് പ്രകാരം മികച്ച ചിത്രങ്ങളില്‍ ഉള്‍പ്പെട്ടിട്ടുള്ള ചിത്രങ്ങള്‍

• ഇവിടം സ്വര്‍ഗ്ഗമാണ്
• പാലേരി മാണിക്യം
• നീലത്താമര
• കേരളാ കഫെ
• രാമാനം
• കേരളവര്‍മ്മ പഴശ്ശിരാജാ
• ലൌഡ് സ്പീക്കര്‍
• കാണാ കണ്മണി
• പുതിയ മുഖം
• ഭ്രമരം
• പാസഞ്ചര്‍
• ഭാഗ്യദേവത
• 2 ഹരിഹര്‍ നഗര്‍
• ഭാര്യ സ്വന്തം സുഹൃത്ത്
• മകന്റെ അച്ഛന്‍

മികച്ച ചിത്രങ്ങള്‍ക്കായുള്ള പോളിലേക്ക്, ഇവയില്‍ പെടാത്ത ചിത്രങ്ങള്‍ക്കു മാത്രമേ നോമിനേഷന്‍ ആവശ്യമുള്ളൂ.
--

Description: - Chithravishesham Opinion Poll 2009: Nominations for Best Malayalam Feature Film 2009. Other categories include Best Director, Best Screenplay Writer, Best Lead Male, Best Lead Female, Best Supporting Male, Best Supporting Female, Best Cinematographer, Best Editor, Best Film Song, Best Lyricist, Best Music Director and Best Singer. Opinion Poll in Chithravishesham (Chitravishesham) Blog. Jan 02 2010.

--